13.07.2023
Ambasadori Ramçilloviç viziton “Dauti-Komerc” në Mal të Zi
Ambasadori i Maqedonisë së Veriut në Mal të Zi, Zekir Ramçilloviç, ka vizituar kompaninë "Dauti-Komerc" në Mal të Zi. Ambasadori Ramçilloviç në takim është pritur nga menaxheri i kompanisë Elham Dauti, ku kanë bashkëbiseduar për sfidat ekonomike tregatare në Mal të Zi. Menaxheri Elham Dauti, e ka faleminderuar ambasadorin për vizitën dhe përkushtimin, si dhe e ka njoftuar ambasadorin për aktivitetin tregtar që zhvillon “Dauti-Komerc” në Mal të Zi, si një kompani me origjinë nga Maqedonia e Veriut. Në takim ambasadori ka thënë se ambasada në Mal të Zi është e hapur dhe në shërbim të biznesit vendor dhe çdo herë do të japë suportin dhe mbështetjen institucionale për kompanitë. Kompania “Dauti-Komerc”, aktivitetin e saj tregtarë në Mal të Zi e zhvillon që nga vitit 2001.
|