Со чувство на голема гордост, Dauti Komerc ја споделува веста дека компанијата е официјално призната како носител на сертификатот „Фер со потрошувачите“, што го доделува Организацијата на потрошувачите на Македонија (ОПМ).

Овој сертификат е потврда за долгорочната посветеност на компанијата кон создавање и одржување на фер, транспарентни и одговорни односи со потрошувачите. Преку постојано унапредување на своите деловни практики, Dauti Komerc го става потрошувачот во центарот на своето работење, обезбедувајќи висок квалитет, доверба и сигурност во секој чекор.

Организацијата на потрошувачите на Македонија го доделува сертификатот „Фер со потрошувачите“ на компании кои покажуваат исклучителен степен на професионализам и етичко работење, со посебен акцент на:

•     отворена и коректна комуникација со потрошувачите,

•     обезбедување точни и прецизни информации за производите и услугите,

•     висок квалитет и безбедност на производите,

•     одговорен пристап при решавање на рекламации,

•     почитување на потрошувачките права и вредности.

Признанието претставува силна потврда за мисијата на Dauti Komerc – да биде пример за фер и одговорно работење во трговијата, но и дополнителен мотив да продолжи со истата енергија во градењето на долготрајна доверба со клиентите.

„Оваа награда не е само признание, туку и обврска да останеме посветени на нашите вредности – чесност, доверба и квалитет. Благодарност до ОПМ за укажаната доверба, и до сите наши клиенти за нивната лојалност и поддршка,“ изјавуваат од Dauti Komerc.

Dauti Komerc – секогаш ФЕР со потрошувачите.