Извршен директор на компанијата Даути Комерц и Почесен претседател на Стопанската комора на Северозападна Македонија (СЗОМ), г. Џемаил Даути, учествуваше на официјалната средба реализирана помеѓу Претседателството на СЗОМ и Министерот за животна средина и просторно планирање, г. Мухамед Хоџа.

Средбата имаше за цел да му ја честитаат новата функција на Министерот Хоџа, како и да дискутираат за еколошките политики и можностите за институционална соработка помеѓу јавниот сектор и бизнис заедницата, со посебен акцент на одржлив развој и просторно планирање.

Во рамките на дискусијата, г. Џемаил Даути нагласи значењето на правилното и ефикасно спроведување на Законот за управување со амбалажниот отпад, истакнувајќи дека овој закон претставува клучен елемент за заштита на животната средина, но и за создавање на еднакви и одржливи услови за бизнисите кои работат според современите европски стандарди.

Говорејќи од своето долгорочно искуство во приватниот сектор и во раководењето на Даути Комерц, г. Даути потенцираше дека сериозните и одговорни компании се подготвени да инвестираат во одржливи практики, се додека еколошките политики се спроведуваат коректно, со транспарентност и отворен дијалог со државните институции.

На средбата присуствуваа и вршителот на должноста Претседател на СЗОМ, г. Нухи Алиу, Извршниот директор г. Дурим Зекири, Претседателот на Собранието на СЗОМ г. Назми Ејупи, како и членови на Управниот одбор, кои изразија подготвеност за континуирана соработка со Министерството во функција на одржлив економски развој и унапредување на еколошките стандарди.

Министерот Хоџа ја оцени улогата на бизнис заедницата како стратешки партнер во создавањето на еколошки политики и нагласи дека Министерството ќе продолжи да ги поддржува иницијативите кои придонесуваат за одржлив развој и усогласување на законодавството со реалните потреби на економијата.