20.04.2026
Dauti Komerc mirëpret ambasadorin e Kazakistanit, theksohet forcimi i bashkëpunimit dhe lidhjeve tregtare
Drejtori i Përgjithshëm i Dauti Komerc, Xhemail Dauti, dhe drejtori Ekzekutiv Hamim Dauti, mirëpritë në ambientet e kompanisë Ambasadorin e Kazakistanit në Maqedoninë e Veriut, Satybaldy Burshakov, në një takim të fokusuar në zgjerimin e bashkëpunimit ekonomik dhe tregtar mes palëve.
Gjatë takimit, ambasadori vlerësoi seriozitetin dhe qëndrueshmërinë e kompanisë, duke theksuar se ekzistojnë mundësi konkrete për thellimin e bashkëpunimit, veçanërisht në drejtim të rritjes së eksporteve dhe lidhjeve me tregun kazak. Ai shprehu gjithashtu gatishmërinë e tij për të shërbyer si urë lidhëse mes Dauti Komerc dhe kompanive të interesuara në Kazakistan, duke lehtësuar komunikimin dhe partneritetet e reja.
Në takim u diskutua edhe Forumi i Biznesit që do të mbahet më 20 prill, ku kompania ka shprehur mbështetjen e saj për këtë nismë, si një platformë e rëndësishme për rrjetëzim dhe krijimin e mundësive të reja bashkëpunimi.
Dauti Komerc mbetet e hapur për bashkëpunim jo vetëm si institucion biznesi, por edhe si partner aktiv në nisma rajonale dhe ndërkombëtare, duke synuar zgjerimin e pranisë së saj në tregje të reja dhe forcimin e partneriteteve strategjike.