22.04.2026
Dauti Komerc mirëpriti Branko Azeskin, konsultime për propozimet lidhur me rritjen e çmimeve të karburanteve
Drejtori i Përgjithshëm i Dauti Komerc, Xhemail Dauti, zhvilloi një takim konsultativ me Branko Azeski, kryetar i Odës Ekonomike të Maqedonisë së Veriut, në kuadër të një serie takimesh me përfaqësues të odave ekonomike.
Takimi u fokusua në sfidat aktuale me të cilat përballen bizneset, veçanërisht në kushtet e rritjes së çmimeve të karburanteve. Palët diskutuan mbi nevojën për koordinim më të ngushtë ndërmjet sektorit privat dhe institucioneve, si dhe për hartimin e një pakete të përbashkët propozimesh që do t’i paraqiten qeverisë.
Gjatë bisedës u theksua rëndësia e ndërmarrjes së masave konkrete për të lehtësuar barrën e kostove për bizneset, duke përfshirë mbështetjen për sektorët më të prekur dhe garantimin e një mjedisi të qëndrueshëm ekonomik. Ky takim vjen si pjesë e përpjekjeve të vazhdueshme për të adresuar ndikimin e krizës energjetike dhe për të mbrojtur konkurrueshmërinë e kompanive në treg.
|