22.04.2026
Xhemail Dauti priti ambasadorin e Malit të Zi në Shkup, fokus në rritjen e shkëmbimeve tregtare
Drejtori i Përgjithshëm i “Dauti Komerc”, Xhemail Dauti, priti në ambientet e kompanisë Ambasadorin e Malit të Zi në Shkup, Zoran Miljaniç, në një takim pune të fokusuar në marrëdhëniet ekonomike ndërmjet dy vendeve, në periudhën kur Republika e Maqedonisë së Veriut u vizitua nga presidenti i Malit të Zi.
Gjatë takimit u diskutua mbi shqetësimin e përbashkët për rënien e importeve dhe, në veçanti, të eksporteve mes dy tregjeve, si dhe ndikimin që kjo situatë ka mbi aktivitetin e bizneseve. Palët ndanë vlerësime mbi sfidat aktuale dhe nevojën për të nxitur politika dhe iniciativa që do të lehtësonin shkëmbimin tregtar.
Në këtë kontekst u shqyrtuan ide dhe propozime konkrete për rritjen e volumit të tregtisë dypalëshe. Duke qenë se “Dauti Komerc” operon me degë edhe në Mal të Zi, u nënvizua potenciali për të forcuar më tej bashkëpunimin ekonomik dhe për të kontribuar në zgjerimin e lidhjeve tregtare rajonale.
|