04.05.2026
Frikom vlerëson Dauti Komerc me pllakatë mirënjohjeje për solidaritet dhe mbështetje
Kompania Dauti Komerc u vlerësua nga Frikom për mbështetjen e menjëhershme të dhënë pas zjarrit që përfshiu magazinën e kompanisë në Çuçer-Sandevë Në VERëN E VITIT 2025. Gjatë një takimi zyrtar mes Drejtorit të Përgjithshëm të Dauti Komerc, Xhemail Dauti, dhe drejtoreshës së Frikom, Vesna Kersteva, zonja Krsteva shprehu mirënjohje të veçantë për solidaritetin e treguar në një nga momentet më sfiduese për biznesin e tyre.
Si shenjë falënderimi, Frikom i dorëzoi Dauti Komerc një pllakatë mirënjohjeje, duke vlerësuar ndihmën e menjëhershme, ofrimin e hapësirave për vazhdimin e aktivitetit dhe mbështetjen që mundësoi vijimin pa ndërprerje të furnizimit në treg.
Ky gjest u theksua si një shembull i rëndësishëm i bashkëpunimit dhe solidaritetit mes bizneseve, duke treguar se vlerat njerëzore dhe mbështetja e ndërsjellë mbeten themel i qëndrueshmërisë ekonomike.
|