15.05.2026
Dauti Komerc pjesë e Konferencës së Tretë Regjionale për Kontabilistë dhe Kontabilistë të Autorizuar
Përfaqësueset e Dauti Komerc, Elmira Dauti dhe Bllagica Kuzmanovska, morën pjesë në Konferencën e Tretë Regjionale për Kontabilistë dhe Kontabilistë të Autorizuar, e organizuar nga Instituti i Kontabilistëve dhe Kontabilistëve të Autorizuar të Maqedonisë së Veriut (ISOS).
Konferenca, e mbajtur në Shkup nën moton “Gjeneratë me vizion – Profesion me të ardhme”, mblodhi ekspertë, institucione dhe kompani nga rajoni për të diskutuar mbi digjitalizimin, transformimin teknologjik dhe të ardhmen e profesionit të kontabilitetit.
Pjesëmarrja e përfaqësueseve të Dauti Komerc në këtë ngjarje të rëndësishme profesionale konfirmon përkushtimin e kompanisë për të ndjekur trendet moderne në financë, kontabilitet dhe transformim digjital, duke investuar vazhdimisht në zhvillim profesional dhe bashkëpunim rajonal.
|