12.06.2026
Dauti Komerc shënon 36-vjetorin me solemnitet dhe mirënjohje për të punësuarit
Me rastin e 36-vjetorit të ekzistencës së kompanisë Dauti Komerc, në ambientet e godinës administrative u mbajt një solemnitet i veçantë me pjesëmarrjen e të gjithë të punësuarve, në shenjë mirënjohjeje dhe festimi të këtij përvjetori të rëndësishëm në rrugëtimin e kompanisë.
Gjatë këtij aktiviteti festiv, të punësuarve iu drejtua Drejtori i Përgjithshëm, z. Xhemail Dauti, i cili shprehu falënderime të sinqerta për përkushtimin, profesionalizmin dhe kontributin e vazhdueshëm të secilit punonjës ndër vite. Ai theksoi se suksesi i Dauti Komerc është rezultat i punës ekipore, besimit të ndërsjellë dhe një vizioni të qartë që ka udhëhequr kompaninë përgjatë 36 viteve zhvillim të pandërprerë.
Në fjalën e tij, drejtori vuri në dukje se çdo arritje e kompanisë mbështetet mbi përpjekjen e përbashkët të gjeneratave të punonjësve, të cilët kanë ndërtuar me përkushtim historinë e suksesit të Dauti Komerc. Ai gjithashtu ritheksoi rëndësinë e vazhdimit të këtij rrugëtimi me të njëjtin përkushtim dhe vizion për të ardhmen.
Në fund të solemnitetit u shpreh mirënjohje e veçantë për të gjithë stafin, me urimin që Dauti Komerc të vazhdojë rritjen dhe zhvillimin e saj edhe në vitet që vijnë, duke mbetur një nga kompanitë më të rëndësishme në treg.