Dauti Komerc në Panairin ISM

Panairi Ndërkombëtar Panairin ISM , i mbajtur në Këln, Gjermani, është një nga ngjarjet më të rëndësishme në industrinë e ëmbëlsirave dhe snacks-eve, duke mbledhur prodhues, furnitorë dhe ekspertë nga e gjithë bota. Nga Dauti Komerc, në këtë event morën pjesë Jetmir Dauti, Jasin Dauti, Elham Dauti, Enri Sakipi, Jasin Ejupi dhe Florim Saiti, me një qëllim të qartë: të analizojnë trendet e reja të tregut dhe të identifikojnë mundësi për rritjen e efikasitetit dhe zgjerimin e bashkëpunimeve me furnitorë ndërkombëtarë. Këtë vit, panairi shërbeu si një qendër e inovacionit në fusha si lëndët e para, teknologjitë e përpunimit, materialet e paketimit dhe siguria ushqimore.

Xhemail Dauti: Tatimet doganore të larta po ndikojnë në çmimet e produkteve

Drejtori i përgjithshëm i Dauti Komerc, Xhemail Dauti, në një prononcim për edicionin qendror të lajmeve në televizionin Telma, komentoi gjendjen aktuale të çmimeve në vend. Sipas tij, çdo masë që mund të marrë qeveria duhet të jetë në përputhje me logjikën e tregut dhe atë ekonomike.

Deputeti i Lëvizjes Vetëvendosje vizitoi kompaninë “Dauti Komerc”

Gjatë një vizite zyrtare në Shkup, deputeti i Levizjes Vetëvendosje, Mefail Bajqinovci, vizitoi kompaninë Dauti Komerc, një nga bizneset më të fuqishme shqiptare në Maqedoninë e Veriut, me përfaqësi edhe në Kosovë, Mal të Zi dhe Shqipëri dhe një emër i njohur në sektorin e tregtisë dhe distribucionit. Deputeti vlerësoi rrjetin e fuqishëm të furnizimit të kompanisë dhe suksesin e saj në tregun rajonal dhe botëror.

Xhemail Dauti në ‘Biznes Plus’ në TVM2 – Sfidat dhe zhvillimet ekonomike

Kryetari i nderit i Odës Ekonomike të Maqedonisë së Veriut – Perëndimore (OEMVP) dhe njëherësh Drejtori i përgjithshëm i “Dauti Komerc”, Xhemail Dauti, do të jetë i ftuar të enjten, më 6 shkurt 2025, në emisionin “Biznes Plus” në TVM2, në ora 20:30. Në këtë emision do të diskutohen çështje kyçe që ndikojnë në bizneset dhe konsumatorët në vend, si bojkoti i marketeve për shkak të, sic thonë, çmimeve të larta, ndikimi i këtij bojkoti në ekonominë e vendit, propozimi i OEMVP për rritjen e pagës minimale në 500 euro pa rritje të kontributeve, si dhe zbatimi i Ligjit për praktikat e padrejta tregtare. Xhemail Dauti do të sjellë analizën e tij nga perspektiva e një biznesmeni me përvojë, duke hedhur dritë mbi sfidat dhe mundësitë për zhvillimin ekonomik të vendit.

XHEMAIL DAUTI: SHTETI DUHET TË RREGULLOJË TREGUN DHE MASAT E MBIKËQYRJES

Drejtori i Përgjithshëm i “ Dauti Komerc”, Xhemail Dauti, i ftuar në emisionin Top Tema, duke elaboruar luhatjen e çmimeve në tregun tonë, tha se shteti ka për detyrë të krijojë kushte të drejta në treg duke marrë shembull nga praktikat ndërkombëtare, si ato të BE-së apo SHBA-ve. Ai theksoi mbrojtjen e konkurrencës dhe rëndësinë e eliminimit të padrejtësive tregtare. Analizoi nevojën për ulje të taksave dhe politika për të favorizuar konsumatorët dhe bizneset.

Trajnim për menaxhimin e situatave emergjente në rast zjarri

DAUTI KOMERC PËRMBYLL VITIN 2024

SH.A “Dauti Komerc” ka përfunduar vitin 2024 me sukses të jashtëzakonshëm, duke arritur rreth 150 milionë euro në shitje dhe duke forcuar pozicionin si një prej liderëve në tregun rajonal dhe global.

TAKIM STUDIUES MES MENAXHMENTIT TË DAUTIT KOMERC DHE MEGGLE

Në një mbledhje të rëndësishme që u mbajt sot mes drejtuesve të “Dauti Komerc” dhe drejtuesve të “Meggle”, u diskutua intensifikimi i bashkëpunimit dhe strategjitë për rritjen e shitjeve. Një nga pikat kryesore ishte shpërndarja e tre artikujve kryesorë të Meggle në të gjitha pikat e shitjes të Dauti Komerc.